افغانی اور پاکستانی ویسے تو لڑتے نہیں تھکتے، دبئی میں ایک پاکستانی اور دو افغانی ایسے شیطانی کام کیلئے اکٹھے ہوگئے کہ تفصیلات جان کر آپ بھی شرمندہ ہوجائیں گے
دبئی سٹی (مانیٹرنگ ڈیسک) متحدہ عرب امارات میں برسرروزگار ایک پاکستانی اکاﺅنٹنٹ اور دو افغانیوں نے اتحاد بھی کیا تو ایسے شرمناک کام کے لئے کہ سننے والے بھی شرمندہ ہو جائیں۔ اس پاکستانی کی نیت میں ایسا فتور آیا کہ افغان دوستوں کے ساتھ ملکر اسی کمپنی کو لوٹ لیا جو کئی سال سے اس کی روزی کا سبب بنی ہوئی تھی۔
خلیج ٹائمز کی رپورٹ کے مطابق موبائل فون ٹریڈنگ کمپنی کے ایک ملازم نے پولیس کو بتایا کہ وہ رات کے وقت کمپنی کے دفتر کو تالہ لگاکر گیا لیکن جب صبح آیا تو دیکھا کہ اندر موجود تجوری کھلی ہوئی تھی اور اس میں رکھی گئی رقم غائب تھی۔ اس معاملے کی پولیس کو اطلاع دی گئی اور شکوک و شبہات کی بناءپر 34 سالہ پاکستانی اکاﺅنٹ اور اس کے دو افغانی دوستوں کو گرفتار کرلیا گیا۔ دوران تفتیش پاکستانی اکاﺅنٹنٹ نے اعتراف کرلیا کہ نائف کے علاقے میں واقع کمپنی کے دفتر اور تجوری کی چابی اس کے پاس بھی تھی۔ اس نے اپنے ادارے کے اعتبار کو دھوکہ دیتے ہوئے دفتر اور تجوری کی چابی اپنے افغانی دوستوں کے حوالے کردی جنہوں نے رات کے وقت تجوری کھول کر اس میں موجود 25 لاکھ درہم چرالئے۔
پولیس نے گرفتار اکاﺅنٹ سے ساڑھے 13 لاکھ درہم برآمد کئے جبکہ 7لاکھ درہم اس کی چینی محبوبہ سے برآمد کئے گئے، اور پانچ لاکھ درہم مرکزی ملزم کے افغانی دوست سے برآمدکئے گئے۔
پولیس نے گرفتار اکاﺅنٹ سے ساڑھے 13 لاکھ درہم برآمد کئے جبکہ 7لاکھ درہم اس کی چینی محبوبہ سے برآمد کئے گئے، اور پانچ لاکھ درہم مرکزی ملزم کے افغانی دوست سے برآمدکئے گئے۔