ILLEGAL HUMAN TRAFFIC

600 افراد کو غیر قانونی طریقے سے ہانگ کانگ بھجوا یا: انسانی سمگلر کا انکشاف

اسلام آباد (مانیٹرنگ ڈیسک) انسانی سمگلنگ کے الزام میں گرفتار ملزم خادم حسین کے انکشافات نے قانون نافذ کرنے والے اداروں کو ہلا کر رکھ دیا ہے ۔
نجی ٹی وی اے آروائی نیوز کے مطابق ایف آئی اے نے ایک ملزم خادم حسین کو انسانی سمگلنگ کے الزام میں گرفتار کر رکھا ہے ۔ ملزم نے دوران تفتیش انکشاف کیا کہ اس کا ملک میں 36 افراد پر مشتمل نیٹ ورک ہے جس میں خواتین بھی شامل ہیں۔ ملزم ہانگ کانگ کی لڑکی کی شناخت پر پاکستانی لڑکیوں کو بھجواتا تھا اور اس نے ہانگ کانگ کی شہریت یافتہ لڑکی کے کاغذات پر 4 شادی شدہ جوڑوں کو بھجوایا اور وہ اب تک 600 افراد کو غیر قانونی طریقے سے ہانگ کانگ بھجوا چکا ہے ۔

ملزم خادم حسین نے دوران تفتیش مزید انکشاف کیا کہ وہ جعلی شناختی کارڈ اور جعلی نکاح نامے بنوانے میں بھی ملوث ہے اس نے ایک غیر ملکی خاتون کا 4 مرتبہ جعلی شناختی کارڈ بنوایا۔ ایف آئی اے نے ملزم خادم حسین کی نشاندہی پر ملک بھر سے 15 ایجنٹس کو گرفتار کرلیا گیا۔

دوران پرواز مسافر کی ایسی شرمناک حرکت کہ پائلٹ کو غصہ آگیا، جہاز چلانا چھوڑ کر مسافر کی درگت بناڈالی کیونکہ۔۔۔

واضح رہے کہ ایف آئی اے نے 12 مئی کو انسانی سمگلر راجہ خادم حسین کو بیرون ملک جاتے ہوئے اسلام آباد ایئرپورٹ سے گرفتار کیا تھا، ملزم نجی بینک کا ملازم تھا اور اسے فراڈ پر بینک سے نکالا گیا تھا۔