7 ماہ سے تنخواہوں کی عدم ادائیگی ، سعودی عرب میں ملازمین کا احتجاج
سعودی اوگر کے ملازمین نے 7 ماہ سے تنخواہوں کی عدم ادائیگی پر احتجاج کیا ، احتجاج میں سینکڑوں ملازمین شریک ہوئے جنہوں نے کمپنی سے اپنے واجبات کی ادائیگی کا مطالبہ کیا۔ پولیس نے مظاہرین کو منتشر کر دیا ہے۔ مظاہرین نے جدہ کے شمالی علاقہ میں ٹریفک کا نظام متاثر کرنے سمیت ایک گیس اسٹیشن کو بھی بند کر دیا تھا۔ مکہ ریجن ک پولیس کے ترجمان کرنل اتی القریشی نے کہاکہ ملازمین کی تنخواہوں کی عدم ادائیگی کے مسئلے کا تعلق اور سوشل ڈویلپمنٹ کی وزارت سے ہے جبکہ پولیس کی ذمہ داری عوام کا تحفظ اور سڑکوں پر اس طرح کے احتجاج اور رش کو منشتر کرنا ہے وزارت کے ترجمان خالد ابوالخیل نے کہاکہ یہ مسئلہ تنخواہوں کی تاحال ادائیگی نہ ہونے پر ہوا جس کی وضاحت ایک مقرر کردہ تاریخ پر دی جائے گی ۔