چین میں سمندر کے درمیان تین سو میٹر گہرا گڑھا دریافت:
یوں تو دنیا بھر میں آئے دن مختلف جگہوں پر کسی بھی وجوہات کے باعث گڑھا پڑنے کے کئی واقعات خبروں کا حصہ بنتے رہتے ہیں تاہم اب چین کے ایک سمندر میں بیچوں و بیچ گہرے ترین گڑھے کی دریافت نے سب کو حیران کردیا ہے۔ ماہرین نے چین کے ایک سمندر میں دنیا کا سب سے بڑا گڑھا تلاش کیا ہے جو تقریبا تین سو میٹر گہرا اور ایک سو تیس میٹر چوڑا ہے۔ سائنسدانوں کا کہنا ہے کہ سورج کی الٹرا وائلٹ شعاعوں کی وجہ سے شفاف پانی نیلگوں نظر آتا ہے اس لئے اس گڑھے کو’ بلیو ہول‘ کا نام دیا گیا ہے ۔ بلیو ہول کی سطح پر مختلف اقسام کی مچھلیاں اور آبی حیات بھی پائی جاتی ہیں لیکن ایک تحقیق کے مطابق سو میٹر گہرائی کے بعد اس ہول میں آکسیجن نہیں ملتی ۔ واضح رہے اس سے قبل دریافت ہونے والے موجود گڑھے کی گہرائی 200 میٹر ہے ۔