پاکستان نے کویت سے ویزا معاہدہ معطل کر دیا
پاکستان نے کویت سے اپنا ویزا معاہدہ معطل کر دیا ہے۔ تفصیلات کے مطابق پاکستان نے کویت
سے کیا گیا ویزا معاہدہ اب معطل کر دیا ہے۔ وزیر داخلہ چوہدری نثار علی خان نے کویت سے ویزا معاہدہ معطل کرنے کے احکامات جاری کیے تھے جس پر عملدرآمد کرتے ہوئے پاکستان کا کویت سے ویزا معاہدہ معطل کر دیا گیا ہے۔ دونوں ممالک کے مابین یہ معاہدہ 2013ء میں طے پایا تھا' معاہدے کے مطابق سفارتی اور سرکاری پاسپورٹ کے حامل افراد کو کویت کے ویزے سے استشنیٰ حاصل تھا۔ وزیر داخلہ کے مطابق پاکستان معاہدے کی پاسداری کر رہا ہے لیکن کویت کی جانب سے معاہدے کی پاسداری نہیں کی جا رہی جس پر یہ معاہدہ معطل کر دیا گیا ہے۔