پاکستانی معذور اور ضعیف افراد سے سعودی عرب میں بھیک منگوانے والا گروہ بے نقاب
عمرہ کے لیے پاکستان سے معذور اور ضعیف افراد کو سعودی عرب لے جا کر بھیک منگوانے والا گروہ بے نقاب ہو گیا ۔ سعودی حکومت نے بھکاریوں کے خلاف آپریشن تیز کر دیا۔
ریاض: (ویب ڈیسک) بھیک مانگنے کی عادت نہ گئی عمرہ کرنے کے بہانے سعودی عرب میں مانگنے والا گروہ پکڑا گیا۔ تیس سے زائد افراد گرفتار۔ تفتیش کے دوران بتایا کہ ڈی جی خان کے جمال خان، اقبال خان اور کراچی کا سرکاری ملازم ریاض لاکھو معذور اور ضعیف افراد اور خواتین کو مکہ اور مدینہ لے جاتے اور بھیک منگواتے ہیں۔ سعودی عرب کے اداروں نے آپریشن کیا اور پاکستان کو بدنام کرنے والے متعدد بھکاریوں کو گرفتار کر لیا۔ بتایا گیا کہ یہ گروہ رمضان کے دوران لاکھوں ریال بھیک اکٹھی کر لیتا ہے۔ یہ لوگ محرم اور صفر کے دوران ایران میں بھیک مانگتے۔ گروہ کے سرغنہ جمال خان کی گرفتاری کیلئے سعودی عرب کے تمام ائیر پورٹس پر الرٹ جاری کر دیا گیا ہے۔